ახალციხეში ბავშვს ავტომობილი დაეჯახა. არსებული ინფორმაციით, ბავშვმა მანქანას გადაურბინა.
,,სამნი ყოფილან. გზაზე უცებ გადაურბენიათ ბავშვებს. ორი გადავიდა, მესამეს ვეღარ მოუსწრია და დასჯახებია, მძიმედ არისო თქვეს” – ამბობენ თვითმხილველები.
შემთხვევა 9 აპრილის ქუჩის მიმდებარედ მოხდა. ადგილზე სასწრაფო სამედიცინო დახმარება და პოლიცია იყო მობილიზებული.
დაშავებული ბავშვი სასწრაფო დახმარების ბრიგადამ კლინიკაში გადაიყვანა.
